أعلنت المطربة ياسمين علي، أن ماس كهربائي تسبب في اشتعال النيران داخل غرفتها، وذلك من خلال منشور دونته على حسابها الشخصي، عبر موقع تبادل التواصل الاجتماعي.

وكتبت ياسمين علي: ” مابحبش الطاقة السلبية والله بس اعمل ايه طيب..هاحكيلكم حاجة صغننة إمبارح الساعه 2 بليل من العادة ببقي قاعدة مع بابا وماما ويحيي بنتفرج عالتليفزيون قمت عشان أروح أوضتي انام”.

وتابعت: "دخلت الاوضه قعدت دقيقه شامه ريحة بلاستيك محروق ومش فاهمه الريحه جايه من فين فجأة بدون مقدمات وربنا عالم باللي حاقوله (لقيت السقف علي وسعه مولع نار كله بمعني الكلمه وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه ) كل ده ف لحظات”.

وأضافت: "اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي لو ماكنتش دخلت الاوضه ف التوقيت اللي روحت فيه الله اعلم كان حصل ايه”.

وأوضحت: "وقبلها بكام يوم كنا لسه عاملين حادثه بالعربية مع عربية نقل كبيرة فما تنخدعوش بالضحك اللي بضحكه ..كل واحد له فيلم عايشه ..احمدوا ربنا علي كل لحظة امان انتوا عايشينها بدون ترويع وعدم ستر وماتبصوش لحياة حد ابدا من بره”.